"Pamer itu brooo!"

Bismillahirrahmanirrahim.

Gw minta maaf dulu neh kalo di tulisan ini mungkin ada kata-kata nyang  pullgar eh vulgar. Alesannye di luar sono emang udah banyak yang vulgar2 gak cuma kata2nye, anak selevel SD/SMP aje udah ade nyang praktek pull2an ( gak banyak sih,tapi banyak bgt),

Kali aje dengan pendekatan kaya gini nyang biasa vulgar2an bisa lebih mudah paham,(kenape anak kucing ame anak anjing beranteeeeeeeeeeeeeeem mulu?, tau jawabannye?, namenye juga anak2,suka ngerasa dewasa gitu,hehehe. Semoga bisa gampang paham dah.Amin.

Kite mulain dah ye,

Pamer itu bro,...xfgxcdjwgvdewtywq xgkhf rokjfm973521brco4, 

apaan sih gak jelas bgt bang?, Tijel kalo kate anak sekarang. Ternyata Tijel itu bukan Ti*it Jelek,ternyata Tidak Jelas. Terlalu yang plesetin emang.Lo pade mau tau artinye kalimat bergaris bawah entu?, (pesantren dulu lo 3taon,heheh),artinye tuh "menyenangkan/wuenak tenan",bener gak?,hahay...

Biar orang tau gw punya kisah cinta yang katanya paling romantis, biar orang tahu gw punya pacar yang paling cantik , biar orang tau gw punya pacar soleh/solehah (ade gak ye?,bukannye yang soleh/solehah kagak pacaran?),biar orang tau gw tuh mesra bgt ame pacar, biar orang tau kalo to*et gw guede,hahay...dan all about biar orang tau. 

So, masalahnye di mane bro?,kan itu haknya mereka bahagia  memamerkan  harta, bawaan orok (daleman ame luaran) tahta dan wanita (hahay resmi bgt neh kalimat). Nah entu die yang banyak orang belom engeh (NGEH). Btw, kite tuh beragama kagak sih?, agama gw tuh apaan ye?, Nah loh, kok nanya gitu bang?,

Iye, gw sering bingung ame yang katenye beragame, tapi kurang peduli ame ajaran agamanye. Kalo diadepin kemaluan eh kemauan/hasrat  vs Alqur'an dan sunnah, yang kudu ngalah pasti Al-Qur'an dan Sunnah. Nyang korupsi tetep aje korupsi, yang pacaran ye tetep aje pacaran sambil pamer mesra ame pacarnye.

Maksud gw gini loh, nyok kite peka sama perasaan temen2 nyang emang lagi konsentrasi belajar yang emang belom punya pacar,bahkan sama temen2 yang emang udeh pernah jadian. (halah,ape lagi maksudnye)

gw ulangin yak,pacar emang pacar elo,tangan2 elo yang gerepe2, mulut2 elo yang ciuman,badan2 elo yang pelukan,  and all about your own thing (apaan tuh artinye?),,tapi masalahnye kan kite makhluk sosial bro. 
Apelagi kalo dimedsos ntu kan semua orang bisa liat, elo,pacar elo, guru elo,guru ngaji elo,guru silat elo,guru saman elo, guru emak elo (halah), guru bokep eh bokap elo. Nyok kite hargai perasaan mereka.

 Apelagi kalo elo jadi publik figur (ketua /anggota  OSIS, ketua Silat, Ketua Musholla, Ketua Perpus, dan Ketua lainnye . Tindak tanduk elo pasti dicontoh ame yang lain. Kagak usahlah nyesel sama predikat elo sebagai  publik figur nyang special pake telor, keberuntungan buat elo adalah diperhatikan/diikuti perkembangannya (kontrol sosial -entu bro tanda sayang dari orang lain), jadi kite bisa terus pada jalur yang benar. Yah, kalo nyasar2 dikit wajar lah,hahay...

Balik lagi ke pameran kemesraa ini janganlah cepat berlalu (maksa),

Logikanye gini dah, tapi btw kite semua sepakat menyandang predikat muslim kagak neh?,ape masih muslim ktp?,hehehe.., kalo sama2 muslim gw lanjutin neh

Elo tau surat Al-Ma'un kan? (pastilah anak MTs getoh)

Nah Pamer (Riya) entu dilarang tuh sama Allah lewat surat ini. Elo pikirin dah,Kalo pamer kebaikan aja dilarang sama Allah, apelagi pamer maksiat. Bener gak?"

Maksiat entu apaan ya bang? (Halah)

Sekali lagi dah gw ulangin, katenye kan ente pinter logika dan sastra (apa coba?)

"Kalo pamer kebaikan aje (seperti zakat mal yang banyak, haji 3x,salat biar dilihat orang) aje dilarang oleh Allah, ape lagi pamer maksiat (bangga dengan maksiat yang kite kerjain dan mau dilihat dan diketahui banyak orang), gw yakin elo paham sekarang,hahay.

Bukan ape sanksinye serem bro.Coba elo liat lagi surat Al-Ma'un. Kite muslim kan ye? (agak lupa)

فويل للمصلّين الّذين هم عن صلاتهم ساهون الّذين هم يراءون ويمنعون الماعون

Artinye pasti tau lah anak MTs (belagak tau,eh kagak, pasti tau beneran gw yakin)

Neraka wail Bro.Hiiiiiii (sok takut,gak beneran gw takut, makanya gw nulis tulisan ini biar nambah pahala dan ngurangin dosa)

Jadi gitu ye bro mudah2an kite bisa

1. Jaga privacy kite (kalo pacaran,enak2an/mesra2an  diem2 aja, kagak useh di kasih liat orang laen.karena salah satunye kasian yang kagak punya pacar mupeng. )

2. Allah minta kite merahasiakan maksiat yang kite kerjakan (lihat hadits arbain an-nawawi!. gak tau?, makanye ngaji elo pade,jangan pacaran eh bukber mulu!)

3. Semoga Alah mengampuni segala kesalahan kita, segera tobat,berprestasi dan husnul khatimah

Amin.